Monday, March 4, 2013

Zohnahthlak peng hrang hrang te Identity vawnhim

Zo hnahthlak chi peng hrang hrang te Identity vawnhim zel hi MZP chuan a ngaipawimawh hle a ni, MZP President James Thanghmingmawia'n a ti. Inrinni chawhnu khan MZP General Hqrs hruaitute chuan Lawngtlai Press Club ah Press Conference neiin MZP President chuan Zohnahthlak chi hrang leh peng hrang hrangte Identity vawnhim zel chu MZP chuan a ngaipawimawh hle atih sawiin ziarang leh tawng te inzahtawnsakin,

Multi Modal kawng KM 52.15 laih zawh a ni tawh

Kaladan Multi Modal Transit Transport Project hnuai a Lawngtlai to Zochachhuah inkar kawngpui laih hna chu KM 52.15 laih zawh a ni tawh Er, Malsawmdawngliana SE (Multi Modal) chuan a sawi a, he kawngpui laihmek hi Inrinni khan Ministry of Road Transport and Highway a Regional Officer Sudip Chaudhury chuan a rawn en a, kawngpui laihmek hi Lawngtlai AOC veng atangin a zawh tan a, Inrinni zan khan Bungtlang South ah riakin vawiin hian Regional Officer hian Lawngtlai rawnlutin Helicopter in Aizawl a pan nghal ang. Regional Officer hi Multi Modal a SE leh EE bakah Officer pawimawh ten lo dawngsawngin, kawngpui laih mek a an hnathawh dan te lo hrilh in, tlangram chhengchhe tak tak te kawngpui hian a paltlang vangin leimin a tam phah a, heivang hian hmun thenkhat ah chuan zau tak tak in kawngpui hi laih a ngaih phah tih PWD hotute chuan hrilh.

SAY Southern Division Council Lawngtlai ah

Salvation Army, Southern Division General Council chu nimin Pathianni hmang khan Lawngtlai Corp ah neih a ni Council hi Zirtawpni atang khan tan niin, Inrinni khan rorel a ni a thurel zing ah Thianghlimna Campaign uar zawk a neih tha an ti a, kum 2013 ah Rally neih tha an tih bak ah Uniform Campaign neih tha an ti bawk,nimin chawhma khan Thianghhlimna inkhawm neih a ni a, nizan Major khan R.Lalchhuana hnen atangin thuchah ngaihthlak a ni. Salvation Army Youth Souhthern Division hian Lunglei atanga Mizoram Chhimlam zawng a huam

Kut hmang

Zirtawpni khan Lawngtlai ah Parliamentary Secretary Pu S.Laldingliana ho in Chapchar Kut leh Hlukhla Kut hman a ni Chapchar Kut hi Lai Hnam Kut Hlukhla nen a hun a inrual vangin heng Kut pahnihte hi a rualin Central YLA Playground ah hman niin, Kut thlengtu Lawngtlai DC Pu B.Lalhmingthanga chuan inlawmna thu sawiin kut hmangtu zawng zawngte duhsakna a hlan a, Kut Pa, Pu S.Laldingliana chuan Chapchar Kut leh Hlukhla Kut a rual a hman a ni chuan inpumkhatna tha zawk a hrinchhuah ngei a beisei thu a sawi. Lawngtlai a Kut hmanna ah hian Hnam ziarang pholang thei zai leh lam bak ah infiamna lam te entir a nih bak ah tunlai thalaite mil zawng Item hrang hrang hmuhtur a awm bawk a,Kut Miss thlan niin chawhnu lam ah Chhawnghnawt in Kut hi hmanzawh a ni.

MJA inpeih

MJA General Conference thlenna tur Lawngtlai Press Club chu General Conference thlengtur in peihfel a ni tawh a, District MJA te pawh General Conference thleng tur hian an inpeihfel tawh. Tarlantawh thin angin MJA General Conference hi tunkar Nilaini khian Lawngtlai Press Club ah neih a ni dawn a, District Bawrhsap Pu B.lalhmingthanga chu khuallian a ni ang. March Ni 7 ah ruahmanlawk ang chuan Conference Palai te Multi Modal Kawng, khawpui chhung a National Highway 54, LADC Office pawimawh bak ah Greater Lawngtlai Water Supply Scheme hna kallai te District MJA te chuan tlawhpui an tum.

Congress ah lawmlut

Pu C.Ngunlian chunga, CEM, LADC chuan Lai District khawthlang lam a fang mek a, nizan khan Vaseikai ah riakin, vawiin lam hian Tuichawngdung a khua te a tlawh leh ang. Thu kan dawn danin CEM hian Congress Party zawm thar chhungkua 78 Congress Party ah a lawmlut tawh a, ruahmanlawk ang chuan Zirtawpni khian Lawngtlai a rawn lut ang.Pu C.Ngunlianchunga hi a nupui Pi KR Chhingpuii bakah mipawimawh thahnemtakin an tawiawm.