Kaladan Multi Modal Transit Transport Project hnuai a Lawngtlai to Zochachhuah inkar kawngpui laih hna chu KM 52.15 laih zawh a ni tawh Er, Malsawmdawngliana SE (Multi Modal) chuan a sawi a, he kawngpui laihmek hi Inrinni khan Ministry of Road Transport and Highway a Regional Officer Sudip Chaudhury chuan a rawn en a, kawngpui laihmek hi Lawngtlai AOC veng atangin a zawh tan a, Inrinni zan khan Bungtlang South ah riakin vawiin hian Regional Officer hian Lawngtlai rawnlutin Helicopter in Aizawl a pan nghal ang. Regional Officer hi Multi Modal a SE leh EE bakah Officer pawimawh ten lo dawngsawngin, kawngpui laih mek a an hnathawh dan te lo hrilh in, tlangram chhengchhe tak tak te kawngpui hian a paltlang vangin leimin a tam phah a, heivang hian hmun thenkhat ah chuan zau tak tak in kawngpui hi laih a ngaih phah tih PWD hotute chuan hrilh.