Zo hnahthlak chi peng hrang hrang te Identity vawnhim zel hi MZP chuan a ngaipawimawh hle a ni, MZP President James Thanghmingmawia'n a ti. Inrinni chawhnu khan MZP General Hqrs hruaitute chuan Lawngtlai Press Club ah Press Conference neiin MZP President chuan Zohnahthlak chi hrang leh peng hrang hrangte Identity vawnhim zel chu MZP chuan a ngaipawimawh hle atih sawiin ziarang leh tawng te inzahtawnsakin, innuihzat lovang u a ti a, Kan Unau Lusei tawng pawi deuh te leh Zohnahthlak tawng dang hmang an awm chang a hmuh Mizo loh viau leh arkhual en en ching kan awm hi MZP chuan pawi a ti hle a ni a ti a, hetiang rilru hi tihbo a nihtheih nan MZP chuan hma a la zel dawn a ni ati. MZP chuan Zohnahthlak inpumkhatna tur a hma a lakna ah hnam pual zirlaipawl ten chanvo pawimawh an chelh thin tih sawiin tun dinhmun ah MZP hnuai ah Hnam pual zirlaipawl pariat inziaklut an awm mek a ni a ti bawk. MZP Gen.Hqrs. hruaitute hi Lai Students Association Gen.Hqrs. hruaituten an tawiawm.