Thursday, May 30, 2013

Central YLA in Mizoram a Hnam hrang hrang te inpumkhatnavawnhim zel a tum.

Central Young Lai Association chuan Mizoram chhunga Hnam hrang hrangte inpumkhatna vawnhim zel a tum.Nimin khan Central YLA Office Committee Room ah Central YLA hnuaia Committee sangber Central Executive Committee chu Central YLA President Pu L.Z.Tluanga kaihhruaina hnuai ah neih a ni a, he Meeting ah hian Central YLA President chuan Mizoram chhunga Hnam hrang hrang te inpumkhatna vawnhim zel YLA chuan a    tum tih sawiin,

Journalist Welfare Fund sem.

PuLalthan-zara, Parliamentary Secretary to Chief Minister chuan nimin khan chanchinbu mite tana hamthatna tura buatsaih Journalists Welfare Fund chu  Aizawl Press Club ah mi 9 hnenah a sem. Pu Lal Thanzara chuan ram leh hnam tana kan rawngbawlpui          thin member kaltate leh harsatna tawk    mek te tanpuina atana MJA – ten ruahmanna an siam Dr. R.Lalthangliana’n a lo tihhlawhtlinsak tawh leh I&PR Minister hmasa Pu Zodintluanga’n MJA Welfare Fund zau zawka hman theih tura ruahmanna a lo siam chu lawmawm a tih thu a sawi a,

BNRGSK Building hawng dawn

Vawiin chawhnu lam hian Lawngtlai   DC Pu B.Lalhmingthanga chuan Kawlchaw, Chawntlangpui leh Sihtlangpui khua a BNRGSK Building, VC House ti a hriat bawk chu a hawng dawn.

Kawng siamthat dantur sawiho

Nimin chawhnu lam khan DC ho in Lawngtlai khawpui chhung kawng siamthatdan tur DC Conference Hall ah mipawimawh ten an sawiho a, he hun ah hian PWD lam atangin S.E leh E.E bak ah NGO lam aiawh te telin, kawng siamthat a nihtheih nan a ruahmanna an siam.

Chanchinbu chhuah tum

MNF District Hqrs. lawngtlai chuan thlakhat ah vawi hnih chhuak (Bi-Monthly) tur in MNF Party Organ Chanchinbu, Chhim Arsi tihchhuah tum in hma an la      mek a, thlathar        atang hian Chhim Arsi hi tihchhuah hman beisei a nih thu kan dawng.Mawhphurtur pawh an inruatfel tawh.

Tuesday, May 7, 2013

Pu H.Rammawi Ex-Minister chuan Direct Finance dil chu India danpui kalh a ni a ti.

Mizoram Sorkar a Minister hlui Pu H.Rammawi chuan Mizoram a District Council pathum ten Direct Finance an dil chu India Danpui kalh a ni a ti.Pu H.Rammawi hian nimin khan Lawngtlai Press Club ah Thuthar thehdarhtute kawmin, Direct Finance neithei tur chuan State emaw, U.T emaw nih a ngai a, tuna District Council pathum ten Direct Finance an dil chu Financial Rules kalh a ni a ti a, kum 1988 ah Pawi District        Council chu Lai      District Council  ti a thlak a ni a, hemi rual

Vehbur an khawn dawn.

 MZP leh MSU tangkawp chuan Saikhumphai bawk kang tuarte tanpui nan 7th May, 2013 atang hian Aizawl leh Mizoram hmun hrang hrangah veh bur a khawn dawn a, tanpuina thilpek lo pe turin MZP leh MSU chuan mi zawng zawng an sawm.

Tek vangin In kang

   Nimin chhun ruahsur laia tek          tla khanLalramzaua, Mualthuam khua in chu deng fuhin an in hi akang zui a,   bungrua gas cylinder bak an chuh hmanlo a mihring  thi leh hliam an awmlo

Sipai ah Airmen, Engineer leh Zirtirtu hna a ruak

Indian Air Force chuan AIRMEN (Technical) a la teuh dawn a; diltu chu tlangval 10+2 passed, Physics, Mathematics leh English a belhkhawma 50 % hmu chin, 1.9.1993 – 30.12.1996 inkara piang a ni tur a ni. Mizoram tana exam centre hnai ber chu Guwahati a ni a, dilna hi 23.5.2013 thleng thehluh theih a ni. Airmen hian thla khatah Rs. 37,788 vel an hlawh a ni. Indian Army hian Commissioned Officer turin Engineer – Mechanical, Civil, Automobile, Electrical/Architechture leh a dangte a la dawn bawk. MA /MSc tan Army Education Corps ah zirtirtu hna a ruak bawk. Hrechiang duh chuan DIPR ah zawh fiah theih a ni e.

MJA Lunglei ten Tripura an tlawh

     Nimin khan MJA Dist. Hqrs. Lunglei member 11 leh an hruaitu Serchhip DIPRO Andrew H Lalremruata hova Press Tour nei a Tripura, Agartala tlawh mektute chuan Pathalia, Rubber Plantation Corporation (RPC) an tlawh a, Ranjan Debnath State manager chuan lo dawngsawngin, Rubber an chinna hmun leh a sawngbawlna dan te a hmunah an en. Mimal Rubber ching hlawhtling Mr. Ajit Nag an kawm bawk. MJA te hian Rubber Plantation Board ten an sawngbawl dan hrang hrangte zawtin an sawipui a,

Monday, May 6, 2013

Nghalimlui khua kangmei tuarte chhawmdawl hna thawhchhoh mek a ni.

Kar kalta Zirtawpni chhun a  Nghalimlui khua a kangmei tuarte chhawmdawl hna thawh chhoh mek a ni. In 259 dinna, lawngtlai atanga KM 130 a hla Nghalimlui khua a kangmei tuartute chhawmdawl hna chu kawng hrang hrangin thawh chhoh mek a ni a,Inrinnikhan khawchhe hnuai ah hnatlang in kang tuar te chenna tur In sak hna tan nghal niin, In tam zawk chu rel nghal niin, vawiin lam ah In sak hna hi chhunzawm leh a ni ang.Kang tuarte chhawmdawl hna hi  Vaseikai, M.Kawnpui leh Saibawh khawtlang ten an thawhpui. Nghalimlui khua YLA leh VC te chuan kang tuarte chhawmdawl hna thawh na a  mawhphur tu tur a ruat Committee te chuan In 17 kang ral vanga bungrua leh thawmhnaw a kan chhiat hlut zawng chu Rs.13,99370/- vel niin an sawi a,

Saturday, May 4, 2013

Nghalimlui ah in 17 a kang

Nimin khan Lawngtlai atanga KM 130 vel a hla Lawngtlai District khawthlang lam Parva Road a awm Nghalimlui ah kangmei chhuak vangin In 17 bungrua chuh hman lovin a kangral a, In dang pathum a bungrua te chu chuh hman nimahse, kangmei hian bungrua senghawi te chu a kang tho a ni. Kangmei tuarte chhawmdawl nan hian Lawngtlai DC Pu B.Lalhmingthanga chuan

KMMTTP chungchang ah DC hoin meeting neih ani

Kaladan Multi Modal Transit Transport Project hnuai a kawngpui laih mek ah Ram neitu intelkhawm ten hnathawktute Stay Order an pek chungchang ah nimin  chawhnu khan Lawngtlai DC Pu B.Lalhmingthanga ho in, DC Conference Hall ah Meeting neih a ni.

Pu Ashwani Kumar IAS, Secretary, GAD, P&E leh Chief Election Officer chuan Lawngtlai a tlawh

Nimin khan Pu Ashwani Kumar IAS, Secretary, GAD, P&E leh Chief Election Officer chuan Lawngtlai tlawhin a enkawl Department te dinhmun a hmun ah a en. Pu Ashwani Kumar hian nimin chawhma khan DC Conference Hall ah DC Office, P&E leh Election a thawk te Meeting a neih pui a, he hun ah hian Lawngtlai DC Pu B.Lalhmingthanga chuan Lawngtlai Dist. dinhmun tlangpui lo hrilh in,

LADC a CEM in Press mite a kawm

Nimin chhun khan Lai Autonomous District Council a Chief Executive Member Pu C.Ngunlianchunga chuan a Office Chamber ah Lawngtlai a Thuthar thehdarhtute kawmin tunhnai a Aizawl atanga chhuak chanchinbu thenkhat ah Lawngtlai West Bialtu MLA Pu C.Ramhluna thusawi an ziak ah thil diktawklo a awm tih CEM chuan sawiin, Kumin Feb.26 chhunlai khan Chikhurlui khua hi CEM chuan a tlawh ngei tih sawiin, Zirlai ten an lo hmuah loh vanga an Head Teacher chu hmundang a sawn chhuak leh Zirlai te Exam lai anga tarlan bak ah School pawh khar zui nghal anga Lawngtlai West MLA in a sawi chu thudik tawklo a ni a ti a, a mah hmuak tur a Zirlaite a phut ngailoh thu leh, a mah hmuaktu zing a an lo tel a nih pawhin inthlahrun awm a tih thin thu a sawi a, Chilkhurlui a tlawh hunlai hi School Calender ah pawh Exam hun nilovin 3rd Entry Result buatsaih hunlai a nih thu a sawi a, hemi hunlai hi zirlai naupang te chawlh hunlai a nih thu a sawi. Chikhurlui a Head Teacher hi Sentetfiang ah sawn a nih thu CEM chuan sawiin, sorkar atanga School Grant leh SSA in Mid Day Meal a kalpui te a nihdantur anga a kalpui loh vangin a chungah hremna lektheih a nih thu sawiin Transfer and Posting hi sorkar chuan inhremna ah a ngai lo a ni a ti. Nimin a Press Meet ah hian LADC a Executive Member pathum bak ah Lai Dist. Congress Committee hruaitute leh Lai Students Association hruaitu te an tel.LADC a CEM chuan tunhnu ah mipui te hnen ah thudik ziktluak lo puanchhuah hi sim atan tha a tih thu leh, Chikhurlui chungchang hi a duh apiang tan a hmun ah pawh finfiah theih reng a nih thu Thuthar thehdarhtute hma ah a sawilang tel bawk.

Friday, May 3, 2013

KMMTTP Land Owners Association ten Collector ruatfel tur leh Notification chhuah turin Sawrkar an phut

Kaladan Multi Modal Transit Transport Project Land Owners Association chuan KMMTTP ah Sorkar chu Compansation siam a nihtheih nan Notification chhuah tur leh Collector ruatfel tur a an phut thu leh Sipai chakna hmanga ram neitute rapbet ah sorkar chu an puh
KMMTTP Land Owners Association hruaitute hian nimin khan Lawngtlai Press Club ah Thuthar thehdarhtute kawmin State leh LADC Sorkar leh Tlawmngaipawl aiawh ten ram neitu diktak an enfiah a an pawmtlan mi 430 ten Compansation an hmuhtur ang an hmuh thuai theih nan Sorkar chu Notification tichhuak tur a an phut thu an sawi a, District Collector hna Multi Modal Project bik ah chauh thawktur a State sorkar lam in LADC a Senior Revenue Officer ruat a nihna chu LADC Sorkar chuan a pawmlo niin Ram Neitu Intelkhawm te chuan an sawi a, tun dinhmun ah Kaladan Multi Modal Transit Transport Project ah Collector an awm lo ni a sawiin Collector hi sorkar lam in ruatfel thuai se an duh thu an sawi bawk. Land Owners Association hruaitute chuan sorkar chu sipai chakna hmanga an ram hnehchhuh ah puhin an hriatthiam loh thu an sawi a, an harsatna tawh chinfel a nih hma chuan hmalak chhunzawmzel an tum thu an sawi bawk. Land Owners Association hruaitute chuan Sipai chakna hmanga kawngpui laih hna chhunzawm a nih chungchang ah Pawl pakhat in an thlawp thu thuchhuah an siam chu he Project kalpui a nihdan an hriatchian tawk loh vanga an ngaih thu sawiin, an dinhmun diktak hrechiang se chuan hetiang thuchhuah hi an siam an rinloh thu an sawilang tel bawk. KMMTTP Land Owners Association hruaitute hian an President Pu Lalthiauva ho in thuthar thehdarhtute hi an kawm.