Saturday, May 4, 2013

KMMTTP chungchang ah DC hoin meeting neih ani

Kaladan Multi Modal Transit Transport Project hnuai a kawngpui laih mek ah Ram neitu intelkhawm ten hnathawktute Stay Order an pek chungchang ah nimin  chawhnu khan Lawngtlai DC Pu B.Lalhmingthanga ho in, DC Conference Hall ah Meeting neih a ni.He hun ah hian KMMTTP land Owner Association lam chuan harsatna an neih te sawiin, he Project a Collector awm lo te, Compansation siam tur a Notification tihchhuah a nilo te leh Sipai chakna hmanga kawng sial zui a nite chu an hriatthiam loh thu an sawi a, DC ho a Meeting ah hian Lawngtlai DC chuan Land Owner Association te chu hnathawktute Stay Order hnukkir turin a ngen a, sorkar hmalakna ngaichang a, sorkar tha tichak zawnga tanla tur in a sawm a, Meeting chuan KMMTTP ah Colector tihfel a nih thuai theih nan hmalak tha an ti a, nimin vek khan Principal Secretary Revenue hnen ah Collector tihfel sak tur a ngenna hi an thawn nghal a ni. DC in Stay Order titawp tur a a ngenna chu Land Owner Association aiawh a Meeting a tel te chuan an mahni maia thutawp an siamtheih loh thu leh General Body Meeting ah lo ngaihtuahzui an tum thu an sawi. Tuntum hi Lawngtlai DC ho a Land Owner Association ten Stay Order an pek hnu ah Meeting an neih tum li na niin, nimin Meeting ah hian DC Office a Officers te bak ah Lawngtlai SP, SE, PWD(Multi Modal), LADC a Senior Revenue Officer, Land Owners Association aiawh leh mipawimawh dangte an tel.

No comments:

Post a Comment