Pu Ashwani Kumar IAS, Secretary, GAD, P&E leh Chief Election Officer chuan Lawngtlai a tlawh

Nimin khan Pu Ashwani Kumar IAS, Secretary, GAD, P&E leh Chief Election Officer chuan Lawngtlai tlawhin a enkawl Department te dinhmun a hmun ah a en. Pu Ashwani Kumar hian nimin chawhma khan DC Conference Hall ah DC Office, P&E leh Election a thawk te Meeting a neih pui a, he hun ah hian Lawngtlai DC Pu B.Lalhmingthanga chuan Lawngtlai Dist. dinhmun tlangpui lo hrilh in, DC Office in tun dinhmun a mamawh an neih leh harsatna an neih te thlenin Staff leh hmanrua indaihlohna te a lo thlen a, heibak ah hian Lawngtlai District in Power Supply a hmuh that loh thu te leh Power Supply hmuh a nih pawh a, Voltage hniam lutuk chuan harsatna a thlen thin thu leh Lawngtlai District chu Power Department Executive Engineer talin thutchilh thei se a tih thu a lo thlen a, heng harsatna te hi Pu Ashwani Kumar chuan a theih ang anga lo bawhzui a tum thu a sawi a, amah leh a thawhpuite Lawngtlai in an lo dawnsawn dan ah lawmawm a tih thu leh hetiang anga indawnsawnna tha District dang a a la tawn ngailoh thu sawiin DC leh a staff te chungah lawmthu a sawi. Pu Ashwani Kumar hian vawiin chawhnu lam khan Lai Autonomous District Council tlawhin LADC a Executive Secretary Pu C.Zoramthanga ho in LADC Officer leh Staff ten an lo dawngsawng a, LADC Sorkar in harsatna an neih te sutkian a nih theih nan a mamawh an neih te an lo thlen bawk. Pu Ashwani Kumar hi Pu H.Lalengmawia Jt. CEO, Pu R.Vanlalsawta Asst.CEO leh Pu Vanlalhruaia Superintendent ten an rawn tawiawm a, niminpiah  khan Chawngte an tlawh tawh a, nimin chawhnu lam khan Lawngtlai chhuahsanin Lunglei an pan.