Thursday, June 27, 2013

HIV + ten hmundang aiin Mizoram ah enhran leh thinhrik an hlawh -Dasy David, Advocacy Associate World Vision,India

Lawngtlai a HIV/Aids chungchang a Advocacy Traning neih ah HIV Positive aiawh kalkhawm te chuan heng natna veite hian duhanga enkawlna leh chhawmdawlna an neih theihlohna chhan chu Mipui nawlpuiin heng damlo te an thinhrik vang leh endawng vang a ni an ti.Pi Dasy David, Advocacy Associate, World Vision,India Chennai ho a HIV/Aids chungchang a Advocacy Training tunkar Thawhtanni leh Thawhlehni a Lawngtlai Press Club ah neih a nih hnu ah nimin khan he Traning hmawrbawkna hun hman ni a, hetah hian Pi Dasy David chuan HIV Positive te chu enhran tur an nih loh thu leh dan hnuai ah mitinte inangtlang vek an nih thu sawiin, HIV Positive  te chu hmundang aiin Mizoram ah enhranna leh

Darlawn Dist. ngiat vangin Sorkar Office leh Zirna In khar

Nimin khan Darlawn District Demend Committee (DDDC) chuan District an dil chungchangah sawrkar thuchhuak engmah an dawn loh vangin an lungawilohna lantir nan sawrkar Office  leh zirna inte khar  a ni a, heihian zawm a hlawhtha viau niin District Demand Committee thuchhuah chuan a tarlang.DDDC chuan sawrkara District thar ngenna hi sawrkar in thu leh hla a neilo a nih chuan

CEM te Nupa zin

 USA a Laifa te intawhkhawmna lian tak ah Khuallian nitur in LADC a CEM Pu C.Ngunlianchunga chu a kal a, CEM hi a Nupui Pi KR Chhingpuiin a tawiawm, CEM awmloh chhung hian Pu V.Zirsanga E.M i/c Middle School  in CEM mawhphurhna a la mek

Drugs Dona Ni hmang

Khawvel huapa kum 1988 June ni 26 a hman tan, Mizoramah kum 2002a hman ve tan, Drugs Hmansual leh Tawlhruk Dona Ni, International Day Against Drugs Abuse and Illicit Trafficking chu nimin khan Mizorama hmanna lian ber Vanapa Hallah department leh pawl hrang hrang panga ina an buatsaih chu Chief Minister Pu Lal Thanhawla’n hmanpuiin, khuallian a ni. Thupuiah Hriselna ruih chilh teh, ruihhlo niloin (Make Health your ‘New High’ in life, Not Drugs) tih hman a ni.

Wednesday, June 26, 2013

Horticulture Department in Serthlum tiak a sem ngei an phun a ngai.

Nimin a Mizoram Sorkar thuchhuah in a tarlan danin District thenkhatah Horticulture Department hnuaia Serthlum trade thlangtuten Serthlum chi tha, Horticulture Department-in pek tura a ruahman dawng duh lo beneficiary engmaw zat an awm a ni tih NLUP Implementing Board ah report dawn a ni a. Hemi chungchanghi hian nimin khan NIB hotu te, Horticulture Department a hotu pawimawhte leh NLUP Non-Official member-ten an ngaihtuah a.

MIS chungchang Meeting nei

Nimin khan DC Conference Hall ah District Level Meeting on MGNREGA, MIS Implementation neih ni in,Pu Beila Khithie-Project Director DRDA chuan akaihruai a, Pu C.Lalremruata Work Manager, MGNREGA, DEGSU, DRDA Lawngtlai chuan Management Information System (MIS) chungchang sawifiahin, MGNREGA hnuaia hna kalpui reng reng Internet kaltlang a thuneitute lam ah thehluh a ngaia, MGNREGA chakzawka kalpui a nihtheih nan MIS lama ah chak a ngai a ni a ti.

Saiha kawng dinhmun en

Saiha panna kawng, Kawlchaw piah deuh a ping thin chu a tihziaawm dan tur nimin khan PWD Engineer te chuan an en a, helai kawng hi ruah a sur deuh chuan leitla in a hnawh zel thin a,nimin thleng khan harsatna liantham erawh a la thleng lo.

HIV/Aids sawiho dawn

HIV/Aids chungchang a Advocacy Training Press Club a neih mek chu vawiin hian zawhfel a ni dawn a, chawhma dar10:30 ah Goverment Official te leh he natna vei mek leh a enkawltu ten HIV/Aids chungchang sawihona hun an hmang ang,he hun hmanpuitur hian Lawngtlai Dist. Aids Control Society Chairman, DC chu beisei a ni.

NLUP Meeting DC ho in nei

Nimin chawhnu khan Lawngtlai District a NLUP kalpui mek thlirin, Pu J.Hmingthanmawia Deputy Commissioner ho in Line Department te DC Office Chamber ah an thukhawm.

Tuesday, June 25, 2013

Advocacy Training for HIV/Aids neih mek a ni. Lawngtlai District ah HIV Positive 122 an awm tawh.

Nihnih awhtur Advocacy Training for     HIV/Aids chu nimin khan Lawngtlai Press Club ah tan a ni.     World Vision India, Chhimtuipui Area Development Programme leh Gilead Drop-in-  Centre Lawngtlai buatsaih, Training ah hian Pi. Dasy David, Advocacy Associate, World Vision India, Chennai chuan zirtirna pein, HIV vei mek te tan a hmalak dan tur hrang hrang te     sawiho a nih bak ah,

DC thar duhsakna hlan

Lawngtlai DC thar Pu   J. Hmingthanmawia chu District a pawl hrang hrang ten a Office ah an hmu chho mek a, heng hruaitute hian DC thar chu duhsakna hlanin an pawl kalphung leh ruahmanna neih te an sawipui a, nimin lam khan  District Sport Committee hruaitute bak ah MJA hruaituten DC thar hi an kawm, Pu J.Hmingthanmawia chuan hunremchang hma ah NGO hrang hrang hruaitute nen inkawmhona buatsaih a tum thu a sawi.

Lalpa Tihna a thanharh a ngai -Evan PC Vanlalnghaki

Synod Rivival Speaker,Evan. P.C.Vanlalnghaki chuan, “Kan ram hi Lalpa tihna-a kan thanharh a ngai a, hnama harh lovin kraws-ah kan harh a ngai a ni a ti. He thu hi nimin a ZNP       Office Aizawl a inkhawm neih ah sawiin,  Pathianin milem biakna hi a hua      kan ti a, milem biakna     chu sum umna hi a      ni a. Sum ngah        ngah hmeltha kan tih hian milem kan bia a ni. Chutianga lal    chauh beiseia duhamna neih hi chhiatna a ni a;

Draft E/Rolls buaipui

Electoral Rolls-2013, Special Summary Revision atan Draft E/Rolls buaipui mek a nih vangin DC Office a Election Branch chu pawnlam mi tan dawr hleihtheih a ni hrih lo.

Zin Report pe

  District Council ten dinhmun sang zawk an neih theih   nan a hmalakna bawhzui a Delhi azin LADC a Vice Chairman, Planning & Development Pu Hmun Hre chuan nimin   khan Lawngtlai    Bazar a Congress Office ah Party mi kalkhawmte hma ah Zin Report pe in, hruaitu hrang hrang te an hmuhna ah an lo dawngsawng tha in an thlen chin ah an tluang viau niin a sawi.

Monday, June 24, 2013

Kharif Kick Off Programme, DAO Lawngtlai ho in Zirtawpni khan hman a ni.

Kar kalta Zirtawpni khan District Agriculture Office Lawngtlai ah Kharif Kick-Off Programme hman ani.District Agriculture Office Hall a Kharif Kick-Off Programme hi Pu James Vanlalluaia, DAO chuan a kaihruai a,He hunah hian Agriculture lama mi thiam ten SRI,Improved package Of Practices,Improved Jhum,Seed Treatment leh Plant Protection te hmangin zirtirna an pe a,
Kharif Programme hnuiah hian SRI hmangin leilet Hectare 100,Improved package of Practices hmangin hectare 300,Hybrid rice technology hmangin hectare 50 leh Improved Jhum hmangin Hectare 500 ah hmlak tum mek ani. He hunah DAO Office a Field Staff te an kal tha hle a.Pu James Vanlalluaia DAO chuan an hna theuhah Rinawm taka thawkin, Ram pum huap pawha Record siam thei tura tan la theuh turin Field Staff te chu a fuih.

World Vision India Chhimtuipui ADP buatsaihin,Women Self Help Group tithate hnenah Pawisa semna hun hman ani a, F & CS Minister Pu H.Rohluna'n a hmanpui.


June 20, 2013 a Central YLA Hall,Lawngtlai a he hun hman na ah hian ,Pu FR.Marak.DGM Regional Office NABARD.Aizawl chuan World Vision kaltlanga hna an thawhna ah, Mizoram ah Lunglei Dist. leh Lawngtlai Dist te thlan an nih thu sawiin,Chhimtuipui Area ah Women SHG 528 a awm mek thu a sawi a.Pu Samuel Therieh,Associate Director,Gwahati PMO World Vision India chuan Chhimtuipui ADP ah hian kum 2001 ah bul tan niin,Tunah hian North East ah Best  Area Development Programme nihna chelh mektu anih mek thu a sawi bawk a. Pu  Franklin Joseph,Director Transformational Development World Vision India pawhin thusawiin,

Wednesday, June 19, 2013

Ram leh Hnam dinchhuahnan tuna a ZIRLAI te hi an pawimawh - C.Ngunlianchunga CEM, LADC

Nihnih awh tur Lai Students Association General Conference chu nimin khan CYLA Hall,Lawngtlai ah neih tan a ni.LSA,General Conference Vawi 24 na a Khuallian Pu C.Ngunlianchunga, CEM. LADC chuan Pathianin Lai Fate hi hnam angin min din a,kan chenna turin Ram min pe bawk a,He Kan ram leh kan hnam hi a lo dinchhuahna tur chuan tuna Zirlaite hi in pawimawh hle ani tiin,in Zirlaiah hlawhtling ngei turin Taimakna leh Tihtakzetna in neih a pawimawh hle ani ati a,

LDFA ten CEM hnen ah lawmthu an sawi

Nimin khan Lawngtlai District Football Association (LDFA) Hruaitute chuan LADC  a CEM Pu C.Ngunlianchunga chu a Office  ah  hmuin a hmalakna avanga Central YLA Playground a Phullem Artificial Turf phah ani tur chu lawmawm an tih thu an hrilh a ,Lawngtlai District Thalai Infiammi te tan bungthar min kaipui ani tiin lawmthu an sawi a,hemi rual hian

Rorelnadik Seminar

 Vawiin hian Ethics Committee, Mizoram buatsaihin Central YLA Hall ah, Rorelna Dik (Good Governance) Seminar neih a ni dawn a, he hun hi Pu H.Rohluna Supply Minister chuan Khuallian niin a hmanpui ang.

Rubber tiak sem

 Nimin khan AMFU Lawngtlai District chuan kuthnathawktute hnen ah Rubber tiak, BNRGSK Hall, Lawngtlai ah an sem.

Wednesday, June 12, 2013

Green Mizoram Day Lawngtlai ah hman a ni Thingtiak 500 phun a ni.

Mizoram hmundang rualin nimin khan Lawngtlai ah Green Mizoram Day hman niin, Thingtiak 500 phun a ni.Green Mizoram Day puala inkhawm tawi, DC Office tual a neih chu Pu beila Khithie Project Director DRDA Lawngtlai chuan kaihruaiin, he hun a khuallian, LADC a CEM Pu C.Ngunlian-chunga chuan Ringtu kan nihna angin thilsiam dangte lak ah ngilneihna leh zahngaihna kan lanchhuahtir tawk lo thin tih sawiin ramngaw chereu zel siam that a nih theihnan theihtawp chhuah a ngai a ni a ti a,

Kawng siamtha turinCYLA in Addl.Director Gen. ngen

Lawngtlai tlawh a lo zin Ministry of Road Transport & Highway a Addl.Director General SN Das chu CYLA hruaituten lo hmuin, kawngpui chhia siamthat a nih theih nan a hma la thuai turin an lo ngen a,ADG hian lo bawhzui a tum thu Central YLA hruaitute hi a lo hrilh.

Chhim Arsi tlangzarh dawn

MNF District Hqrs. ten chanchinbu an tihchhuahtur Chhim Arsi tih chu naktuk chhun hian Pu C.Ramhluna MLA in MNF Office Lawngtlai Bazar ah a tlangzarh dawn.

LDDVF Thukhawmdawn

Naktuk hian Lawngtlai District Development Vigilance Forum (LDDVF) te chu Lawngtlai Press Club, Conference Hall  ah an thukhawm dawn a, Lawngtlai District a hnathawh hrang hrang an enzuina ah, hmalakna an kalpuimek an thlir ho dawn bak ah, hmathar lakna tur te an sawiho nghal ang.

Vairengte daia ZDU office hawn a ni


"Ramin harsatna a tawh laia mi pawimawhte chu Driver te hi an ni"
                           -C.Lalrambuatsaiha MJA President

Nimin khan Vairengte daia Zoram Drivers Union in In an sak chu MJA President C Lalrambuatsaih’an a hawng a,  MJA President chuan, " Ramin harsatna a tawh laia mi pawimawhte chu driver te hi in ni a, Inter state boundary a harsatna a thlen changa inkawmna hmun tur ZDU ten in tha tak in sa hi a lawmawm hle a ni," a ti a. ZDU in in an sak hi Lok Sabha MP CL Ruala'n cheng nuai 10 a pek atanga an sak a ni.

MJA President chuan Mizoram damkhawchhuahna tur 90% deuhthaw chu driver te kuta awm a ni tih sawiin, driver zingah mi tlawmngai leh ram leh hnam tana mi thahnemngai tak tak an tam hle a ni a ti a.

Tuesday, June 11, 2013

Ministry of Road Transport & Highway a Addl.Director General lo kal.

Ministry of Road Transport & Highway a Additional Director General SN Das chuan niminpiah leh nimin khan Kaladan Multi Modal Transit Transport Project hnuaia kawngpui laih mek a hmun ah a en.He kawngpui laihhna thawktu RDS Company leh ARSS Infrastructurer Limited ten kawngpui an laihmek ah lei thawl lai a tam vanga leimin a nasat vangin kawngpui laih mek chu a hmun ah enturin Ministry of Road Transport & Highway lam an ngen angin Additional Director General hian helai kawngpui hi a en a, Lawngtlai a panna kawng ah

Tuesday, June 4, 2013

LADC a Executive Secretary Office atangin Cheng Nuai 47 chuang rukchhuah a ni.

LADC a Executive Secretary Room misual in an rawk na ah Cheng Nuai 47  sing 9 sang 5 a bo.LADC a Executive Secretary Room chu misual in an rawk na ah Staff hlawh tur, cheng Nuai 47 sing 9 sang 5 ruk chhuah a ni a, hethil thleng hi nimin tuk a Chawkider in Room a hawn in  hriatchhuah niin, Police lam ah report nghal a ni a, a hmun ah Lawngtlai Police ten thilawmdan an enfiah nghal a,

Tourism Campaign

 Vawiin dar 10 atang hian Central YLA Hall ah, CYLA leh Mizoram Tourism Department tangkawp ten Rural Tourism Awareness Campaign an nei dawn a, hetah hian Parliamentary Secretary Tourism changtu Pu H. Zothangliana chu khuallian a ni ang.

MJA ten DC thlah tum

 Lawngtlai DC Pu Hmingtea’n a hna pangngai Secretary hna chelh tur a Lawngtlai a chhuahsan dawn tak vangin hun remchang hmasa ber ah Lawngtlai District MJA te chuan an Patron Member, Lawngtlai DC hi ngaihhruitna hlan pah in thlahna hun buatsaih an tum. DC hian tunkar tawp emaw, kar leh tir lam khian lawngtlai a chhuahsan rin a ni.