Wednesday, June 12, 2013

Green Mizoram Day Lawngtlai ah hman a ni Thingtiak 500 phun a ni.

Mizoram hmundang rualin nimin khan Lawngtlai ah Green Mizoram Day hman niin, Thingtiak 500 phun a ni.Green Mizoram Day puala inkhawm tawi, DC Office tual a neih chu Pu beila Khithie Project Director DRDA Lawngtlai chuan kaihruaiin, he hun a khuallian, LADC a CEM Pu C.Ngunlian-chunga chuan Ringtu kan nihna angin thilsiam dangte lak ah ngilneihna leh zahngaihna kan lanchhuahtir tawk lo thin tih sawiin ramngaw chereu zel siam that a nih theihnan theihtawp chhuah a ngai a ni a ti a,
MGNREGS hnuaia ah sum tamtak sengin Thingphun a ni thin a, a enkawlzui lam a inthlahdah a nih thin vangin duh angin a hlawkna hmuhtur a awm thin lo a ni a ti. Kumin Green Mizoram Day thupui atan 'Thingphun la i ram chhan rawh' tih hman niin, kumdang ang lo deuh in kumin hian thingtiak tamtak phun aiin, enkawlzui theih tawk tur phun chu District Level Committee on Green Mizoram duhdan a nih angin Lawngtlai a Department hrang hrang te chuan thingtiak 20 theuh a insem in, Lunglei lam kawtchhuah leh PHE tuilakna kawng kam leh Office Complex ah te phun a ni.Day hawnna ah hi LADC a  Forest changtu E.M Pu Chhuanawma pawh in a telpui.

No comments:

Post a Comment