Monday, June 24, 2013

Kharif Kick Off Programme, DAO Lawngtlai ho in Zirtawpni khan hman a ni.

Kar kalta Zirtawpni khan District Agriculture Office Lawngtlai ah Kharif Kick-Off Programme hman ani.District Agriculture Office Hall a Kharif Kick-Off Programme hi Pu James Vanlalluaia, DAO chuan a kaihruai a,He hunah hian Agriculture lama mi thiam ten SRI,Improved package Of Practices,Improved Jhum,Seed Treatment leh Plant Protection te hmangin zirtirna an pe a,
Kharif Programme hnuiah hian SRI hmangin leilet Hectare 100,Improved package of Practices hmangin hectare 300,Hybrid rice technology hmangin hectare 50 leh Improved Jhum hmangin Hectare 500 ah hmlak tum mek ani. He hunah DAO Office a Field Staff te an kal tha hle a.Pu James Vanlalluaia DAO chuan an hna theuhah Rinawm taka thawkin, Ram pum huap pawha Record siam thei tura tan la theuh turin Field Staff te chu a fuih.

World Vision India Chhimtuipui ADP buatsaihin,Women Self Help Group tithate hnenah Pawisa semna hun hman ani a, F & CS Minister Pu H.Rohluna'n a hmanpui.


June 20, 2013 a Central YLA Hall,Lawngtlai a he hun hman na ah hian ,Pu FR.Marak.DGM Regional Office NABARD.Aizawl chuan World Vision kaltlanga hna an thawhna ah, Mizoram ah Lunglei Dist. leh Lawngtlai Dist te thlan an nih thu sawiin,Chhimtuipui Area ah Women SHG 528 a awm mek thu a sawi a.Pu Samuel Therieh,Associate Director,Gwahati PMO World Vision India chuan Chhimtuipui ADP ah hian kum 2001 ah bul tan niin,Tunah hian North East ah Best  Area Development Programme nihna chelh mektu anih mek thu a sawi bawk a. Pu  Franklin Joseph,Director Transformational Development World Vision India pawhin thusawiin,
World Vision hi Christian Organisation anih thu leh Khawvel hmun hrang hrangah hma an lak thu sawiin, an thawh chhan ber chu Chhungkaw Hlim siam nih thu a sawi.Pu H.Zothangliana Parliamentary Secretary.Lawngtlai East Bialtu leh Pu C.Ramhluna,MLA .Lawngtlai West Bialtu te pawhin thu an sawi bawk. Pu H.Rohluna Minister he huna Khuallian chuan,Self Help Group kan siamna a,harsatna lo awm thin chu Rinawm lohna hi ani tiin Group ang a kan thawh hona ah Rinawmna hian Hlawhtlinna min pe thin ani ati a.Mizote hi kan ngaihtuahna a hmanhmawh thin a, vawi leh khata hausak thut duh vek kan ni.Mahse, Self Help Group in a tum chu chutiang nilovin,Tlem te te a khawl a,hlawhtlinna hmuh hi ani tiin,Lawmman dawng thei khawpa hna thawk thate chu fakawm atih thu a sawi.He hunah hian Women SHG tithate hnenah Cheque Khuallian hin a hlan nghal a,Lawngtlai RD Block hnuai ah Group 38.Sangau Block atangin Group 6,Bungtlang Block atangin Group 2 leh Chawngte atangin Group Pahnih te hnenah  a hlan a,Heng Group atang hian Cheng Nuaikhat Singnga dawng Group pakhat awmin,Cheng Nuaikhat dawng Group Pahnih an awm ani. Heng Tanpuina pawisa te hi NABARD chuan State Bank of India leh Mizoram Rural Bank kaltlangin a pe ani.

No comments:

Post a Comment