Wednesday, July 3, 2013

Lawngtlai ah Remna Ni hmang

Nimin khan  MNF District Hqrs Lawngtlai chuan an Office Lawngtlai Bazar ah Remna Ni an hmang a,Dr.R.Lalthangliana MLA. Vice President,MNF Gen.Hqrs leh Hruaitu dang ten hmanpuiin,Remna Ni Vawi 27-na Lawmna  hi Pu Lalramliana Colney,President.District Hqrs MNF chuan a kaihruai a, Dr.R.Lalthangliana MLA,MNF General Hqrs Vice President ni bawk chuan Pu C.Zama Lehkhabu ziah K.Battalion tih chu a tlangzarh nghal a,

Kuthnathawktuten awmze nei a hna an thawh MNF in a duh.

    Nimin chawhnu lam khan Information Minister lo ni tawh, tuna MNF Vice President nilai Dr. R.Lalthangliana chuan Lawngtlai Press Club ah, lawngtlai a thuthar thehdarhtute a kawm a, Dr. Thangtea chuan MNF Party in sorkar na a chang a nih chuan Kuthnathawktuten awmze nei zawk a    hna an thawh theih     nan MNF Party   chuan ruahmanna a peihfel vek tawh thu sawiin, bul tanpui   tawh te chu a tawpthlenpui an ni dawn a ni a ti a, eizawnna nghialnghet nei turin kuthnathawktute chu pawisa sem ringawt nilovin

Thisen pe

Nimin kha Salvation Army dincham Phaphak vawi 180 na niin, Lawngtlai Corps te chuan Programme chi hrang hrang nen he Ni hi an  hmang a,Chawhma lamah Pathian Biak inkhawm hmangin,Chawhnu lamah Fakna inkhawm an nei bawk a, Hemi zawh lamah hian a mamawh apiangte hman atan Thisen an pe a,Thisen Pe tu te hi Mipa 14 leh Hmeichhia 5,an vaiin  19  an ni.Tlai lam ah Kohhran hoten ruai an theh bawk.

DC ngen

Lawngtlai District Merchant Association chuan Lawngtlai DC hnen ah ngenna siamin ILP pekchhuah ah Shop Keeper, Shop Helper leh Salesmen tih ang chi in ILP pechhuak lo turin an ngen a, tuna ILP peksa te enfiahtur leh ILP an hmuhna ang ngei a awmtur a ILP neite hrilh hre tuirin DC chu an ngen bawk.

Hall hawng

Nimin khan BADP atanga Cheng Nuai 20 senga sak Kamalanagar-III a Community Hall chu Pu Nirupam Chakma MLA in a hawng.

Tuesday, July 2, 2013

Draft E/Roll ah Lawngtlai District a Assembly bial pathum ah Voters 69254 an awm.

Nimin a Special Summary Revision of Electoral Rolls-2013 Draft Rolls tarchhuah ah Lawngtlai District a Assembly bial pathumah Voters 69254 an awm.Draft Electoral Rolls Publication puala inkhawm, DC Conference Hall a neih ah Pu J.Hmingthanmawia District Election Officer,  chuan khua leh tui diktak te E/Roll a an luhtheih nan Political Party leh Tlawmngaipawl te  chu theihtawp a tanla turin a chah a, Lawngtlai District a Assembly Bial pathum ah Polling Station 153 awm thin chu Polling Station paruk

CEM in Chin Youth Organisation Conference a hmanpui dawn

LADC a CEM Pu C.Ngunlianchunga te Nupa chuan tluang takin June 28 khan Washington DC an thleng a, June 30 khan Chin Baptist Mission Church ten CEM te Nupa hi Meryland, Federick zanriah an buatsaih sak, naktuk hian CEM te           nupa hian  Chin    Youth Organisation Conference hmanpui turin

Harsatna liantham thlenglo

Fur ruahsur vangin Lawngtlai District chhung khawi hmun atang mahin harsatna liantham thleng nimin thleng khan hriattur a awm lo a, inkalpawhna kawngte pawh a tlang tha in, ei leh bar lam ah pawh harsatna liantham thleng hriattur a awm lo.

Khaw 7 ah Solar

Hlawhtling tak in Lawngtlai RD Block huamchhung a khaw sarih ah Nizung chakna hmangin eng pek an ni tawh a, khaw thlanchhuahbik pasarih ah hian Solar Street Light khaw pakhat tan pathum zel bunfel sak an nih bak ah Solar Home Light pawh pek an ni bawk.

Remna Ni hmang dawn

Vawiin chhun hian MNF District Hqrs. Lawngtlai   chuan  an Party        Office ah Remna   Ni an hmang dawn a, he hun hi MNF Vice President Dr. R.Lalthangliana leh Lawngtlai West MLA Pu C.Ramhluna ten an hmanpui ang.Kumin a Remna Ni Champha June 30 kha Pathianni a nih vangin hunremchang ah he ni hman a ni dawn a ni.

Press Meet

Information & Public Relations Minister lo ni tawh, Dr. R.Lalthangliana chuan vawiin chawhnu lam hian Lawngtlai Press Club ah Lawngtlai a thuthar thehdarhtute a kawm dawn.

Monday, July 1, 2013

Electric veng a lungrem chim in Pu R.Lalthlamuana te In a deng chhe nual.


Tunlai Ruahsur avangin hmun tamtakah harsatna a thleng mek zel a,Inrinni a  Ruahsur avang khan Lawngtlai Electrict Veng a Pu A.Hrangkhirha kawmthlang Lungrem chu a chim a, an kawmthlang chiah a awm Pu R.Lalthlamuana te kawmchhak bang chu dengchhia in, Vanneihthlaktakin thi leh hliam an awmlo a,Bungrua erawh chu a chhe nual nia hriat ani.Pu R.Lalthlamuana te chhungkua hian an bungrua an thiarchhuak nghal vek a,Riah ngamna chi ni a an hriat loh avangin

Thisen pe

PYD. Mizoram UPC.Lawngtlai Bial chuan General Conference rorel tihhlawhtlin nan Inrinni khan  amamawh apiangte hman atan thisen Unit 24 an pe a,Thisen pe tute hi  mipa 21 leh Hmeichhia 3 an ni.

Draft Rolls tarchhuak dawn

 Vawiin hian E/Rolls Revision neih tur atan Draft E/Rolls chu tarchhuah a ni dawn, hemi pual a inkhawm hi DC Conference Hall ah Chawhma dar 11 ah Pu J.Hmingthanmawia District Election Officer ho in neih ani ang.