Tuesday, July 2, 2013

Draft E/Roll ah Lawngtlai District a Assembly bial pathum ah Voters 69254 an awm.

Nimin a Special Summary Revision of Electoral Rolls-2013 Draft Rolls tarchhuah ah Lawngtlai District a Assembly bial pathumah Voters 69254 an awm.Draft Electoral Rolls Publication puala inkhawm, DC Conference Hall a neih ah Pu J.Hmingthanmawia District Election Officer,  chuan khua leh tui diktak te E/Roll a an luhtheih nan Political Party leh Tlawmngaipawl te  chu theihtawp a tanla turin a chah a, Lawngtlai District a Assembly Bial pathum ah Polling Station 153 awm thin chu Polling Station paruk
  Kamalanagar -I South, Kamalanagar-II South, Kamalanagar-III South, Sedailui leh Chandmary North-II Polling Station te siambelh niin Polling Station 159 neih a nih tawh thu a sawi. District Election Officer hian Political Party te hnen ah Draft Roll chu a sem vek bawk. Lawngtlai District a Assembly bial pathum a DraftE/Rolls tarchhuah ah hian Mipa Voters 34320 Hmeichhia Vote nei 34934, a vaiin Voters 69254 an awm a, Vote nei zawng zawng te hian Electors Photo ID card an nei vek tawh bawk. Tuichawng bial ah Voters 26004 an awm a, Lawngtlai West ah Voters 22434 awm in, Lawngtlai East ah Voters  20816 an awm.

No comments:

Post a Comment