Tuesday, August 27, 2013

CEM in hmalakpui a tiam vangin LSA ten Total Bandh an neih an titawp

Nimin a  GRHSS. Lawngtlaia Sociology leh Geography zirtirtu dah ngiat a LSA           ten Bandh an huaihawt chu zing dar 10         khan tihtawp ani.Lai Students Association   ten Lawngtlai a        nimin zing dar 6 atanga Total Bandh an neih chuan  thlawp a hlawh viau a, Sorkar Office leh Zirna In te, sumdawnna hmun te khar vek niin, khawlai ah veivak, Bandh in a huamloh te bak  hmuh tur an awm lo. LSA hruaitute hnen atanga thu kan dawn dan in, Pu C.Ngunlianchunga Chief Executive   Member Lai Autonomous District Council chuan  LSA te chu lehkha pe in, Gov't Region Higher Secondary School a Geography leh Sociology zirtirtu Post siamfel tawh ang a

LADC Pawisa tang thahnem tak tihfel a ni

Kar kalta chhung a LADC a CEM Pu C. Ngunlianchunga Aizawl lam a zin chuan Sorkar kum kalta a LADC pawisa hmuh tur, la hmuh loh  cheng Nuai 1110.75 a        tifel, heng pawisa te     hi Lawngtlai Town Upgradation ah Cheng Nuai 128.23 SPA ah Nuai 407.52 Lai      Hostel sakna Nuai      25 RKVY ah Nuai    550 niin, heng bak ah hian Non Plan Second Instalment cheng     Nuai 293 pawh      CEM zin hian a tifel bawk.

Handloom tihchangtlun nan LADC in ruahmanna a siam.

Tunhma lam a State sorkar enkawlna hnuai a awm thin Handloom tihchangtlunna Integrated Handloom Development Scheme chu LADC Sorkar enkawlna hnuai a dah turin tihfel a ni a, LADC a Industry enkawltu CEM Pu C. Ngunlianchunga chuan Integrated Handloom Development Scheme hnuai ah tun ah hian cheng Nuai 7.98 ruahman a nih thu leh he Scheme hi LADC a kalpui a nih theih nan Industry Department lam chuan tulpawimawh te an buaipui chho mek tih nimin khan a Office a Lawngtlai a Chanchinbumi ten an hmuhna a sawi

Zirlaite tanpui dawn

Vawiin hian LADC Sorkar chuan zirlai thlanbik te hnen ah tanpuina pawisa Incentive Cash Award ti a sawi chu Zirlai 79 hnen ah a hlan       dawn a, hemi           pual       a inkhawm hi SSA, BRC Hall ah chawhma dar 11 ah CEM hoin neih a ni ang. Zirlai     79 hnen ah an zirlai atana hmantangkai    tur pawisa semchhuah tur hi a vaiin Rs.9,92,800/- a ni.

CM Special NLUP Scheme kalpui tan a ni dawn

NLUP hmanga mirethei te khai chhuahna programme sorkar in a kalpui meka NLUP scheme pangngai chhawr ve thei lo, mi harsa zualte tana siam, Chief Minister’s NLUP Special Scheme chu vawiin atangin kalpui tan a ni dawn. Mizoram pum huapa he scheme launch-na programme hi Serchhip ah neih a ni dawn a. Chief Minister Pu Lal Thanhawla’n a hmanpui ang. Chief Minister’s Special NLUP Scheme hnuaiah hian mahni intun nun nana hna thawk thei lo, mi harsa zual leh chhumchhia te, thla khata chhungkaw sum lakluh Rs.3000/- tling phak lo ten tanpuina Rs.20,000/- thleng an dawng thei dawn a ni.

MJA ten CEM kawm

 Nimin khan MJA Lawngtlai District hruaitute chuan           an President Pu      V.Lal Lianzuala ho in LADC a CEM             Pu C.Ngunlianchunga chu a Office ah hmuin, tunkar tawplam a     Free Clinic buatsaih    an tum chungchang    leh karleh a Hnahthial a Chhimbial Journalist Meet neih tur chungchang an   sawipui a, he              hun pawimawh   pahnih a mamawh an neih te CEM hnen ah hian thlen in, CEM chuan MJA te mamawh chu a theih chin chin ah lo tihhlawhtlin sak a tum thu a sawi.


Monday, August 19, 2013

E/Roll thar ber ah Lawngtlai District a Assembly bial pathum ah Voters 70437 an awm.



Election Commission thu ang a Electoral Roll Summary Revision neih  chu zawhfel niin August 16 khan Pu J.Hmingthanmawia District Election Officer Lawngtlai chuan DC Conference Hall ah Final Publication neiin, E/Roll hi Political Party te hnen ah a sem nghal.January 1, 2013 a Kum 18 tling chin te E/Roll a thun leh E/Roll a siamrem ngai siam that chu tluang takin Lawngtlai District a neih niin, Final Publication hi a huntaka ah neih a ni a,  District chhung a Assembly Constituency pathum Tuichawng, Lawngtlai West leh East ah te Draft Roll ah Voters 69252 awmin Final Roll ah hian Draft Roll aiin Voters 1185 in a puang a Final Roll ah hian Voters 70437 an awm. Constituerncy pathum a
 Vote pun tamna ber Lawngtlai West ah Voters 540 (2.40%) in a pung a, a pun tlemna ber Tuichawng Constituency ah Voter 264 (1.01%) in a pung. Lawngtlai District a
 Draft Roll aia Final Roll a punna hi 1.71% a ni. Assembly bial pathum a Polling Station Voters tamna ber
 chu Voters 1129 awmna
 Lawngtlai-III Polling Station niin, Voters tlemna ber chu
voters 45 awmna Hlimzawl Polling Station a ni.
Pu J.Hmingthanmawia District Election Officer chuan
 E/Roll siam thar nan a Political Party leh
 Tlawmngai pawl
 te hmalakna chu chhuanawm a tih thu a sawi a
, Final Roll
   chu tarchhuah ni mahse, englaipawhin E/Rol
l a thun, paih
   leh pem dilna ang     chi te tihtheih reng     tho a ni a ti.

CEM in, NLUP a Sangha khawi thlangtute hnen ah tanpuina a sem

Kar kalta Zirtawpni khan Bungtlang South ah NLUP hnuai a Sangha khawi thlangtu hnen ah NLUP  tanpuina Rs. 8000/- theuh   Pu C. Ngunlianchunga CEM in a pe, tanpuina sum pek an nih bak    ah hian RKVY hnuai ah Fish Farmers’ Training an nei nghal a, Sangha khawi thlangtu te hnen ah hian Sangha chaw quintals hnih, Chinai Quintals hnih leh Sangha chi 4000 theuh an dawng bawk. Pu C.Ngunlianchunga CEM chuan  chuan NLUP chu diktaka hman a tul thu sawiin tuna Sorkar dinglai Congress sorkar chuan miretheite a ngaihsak hle a ni a ti.

Electric Veng YLA in ngenna siam

Lawngtlai Electric Veng Branch YLA te chuan YLA Kumpuan ‘Khawtlang Nun siamthat’ bawihzuina atan thuchhuah an siam a. An veng huam chhungah ruihhlo zawrh leh lakluh an khap tlat a zurui buaina siam leh motor chak tak taka khalh pawh an khap bawk Veng chung inenkawlna an siam bawhchhia a, tilui an awm a, man an nih chuan ana thei ang berin Electric Veng YLA Branch chuan Action lak an tum a ni.Veng hrang hrangte pawhin theihtawp chhuaha an hmalakna tawiawm turin an ngen bawk a ni.

I-Day Jail ah

Independence Day ah khanLawngtlai District Jail a tangte pualin Gilead Drop- In Centre a thawk tute chuan hun an hman pui a,He hun hi Prison Welfare Committee te nen tangruala hman ani. He hunah hian in tihhlimna chi hrang hrang neih ani a, Zaithiam te hruai niin,Pathian Fakho na hun thatak an nei ho bawk. He hunah hian HIV/AIDS Awareness leh Clinic neihpui nghal an ni a, Tlai lamah Zanriah an kilho nghal bawk.

Free Health Camp

 MJA Lawngtlai District chuan Dr. PC Lalramenga ho in August 29 & 30 khian Lawngtlai ah Free Health Camp buatsaih tumin hmalakna an kalpui mek, a hmuntur leh tuldangte mipui te hnen ah a ranglam in puanzar thuai an tum.

LSA ten Picketing neih an tum

Lai Students'Association, General Headquarters;Lawngtlai hun rei tak beiseina nen a kan lo thlir mek Gov't Region Higher Secondary School,Lawngtlai a Sociology leh Geography Teacher dah tura Sawrkar hnena LSA ten anlo ngen thin Post create tawh,a hlawhtlinna hmuh tur awm chuang si lo chu ngaihthiam har an ti a,vawi engemaw zat Sawrkar ah ngenna alo thlen tawh chung pawh a ngaih pawimawh a hlawh loh avangin  Picketing August 22,2013 hian Lawngtlai khawpui chhunga Sawrkar Pisa leh zirna in ah neih nise anti a, LSA ten hma an lakna a chak zawk theih nan ruahmanna an siam chu Sawrkar Pisa a thawk te leh zirna in ten  zawm sak theuh turin an ngen.

HPC(D) Palai Insawifiah

HPC(D) leh Mizoram sorkar aiawhte inbiakna chungchangah, inbiaknaa tel zinga an thupuangtu, Lalmuanpuia Punte chuan thuchhuah siamin, HPC(D) ten inkahhai (Suspension of Operation - SoO) extend duhlo anga thu thang awm chu pawi an tih thu a sawi.
    August ni 14, 2013-a Tourist Lodge, Aizawl a HPC(D) leh Mizoram sorkar inbiaknaah khan, inremna awm thei loa an tindarh ta mai chu HPC(D) palaite chuan pawi an ti hle tih sawiin,

Friday, August 16, 2013

Hnam Zalenna Ni champha, Lawngtlai ah LAD Minister ho in hman a ni.

Central YLA Playground Lawngtlai ah LAD Minister PC Pu Lalthanliana ho in Independence Day hman a ni.Nimin chawhma dar 10:30 khan Pu PC Lalthanliana LAD Minister chuan Hnam Puanzar pawtpharin Parade Contingent te a endik hnu ah Parade contingent 27 ten Hnam Puanzar chibai an buk a chhanglet a, thusawiin LAD Minister chuan Mizoram in hmasawnna hrang hrang a neih leh hmachhawp te sawilang in, Lawngtlai District chhung, a khawchhak ramte nen insumdawn tawnna tur Zochachhuah bul a Zorinpui Land Custome Station siam tur a ruahmanna chu Ministry of Commerce hnuai a Empowered Committee Meeting chuan July, 5,2013 khan a thuphungin sum pek a lo remti tawh a ni a ti a, Kum 5 chhung a Mizoram Sorkar thawhpuitu Tlawmngaipawl, Kohhran leh Mizoram mipui te chung ah lawmthu sawiin kumin kumtawp lam a inthlanna neih tur ah Vote nei zawng zawng te chu rinawm leh zalen taka vote thlak a, democracy dinchhan ang ngei a, a thiltumte tihlawhtlinna kawng ah tan la turin a chah bawk.Khuallian hian Independence Day puala intihsiakna neih hrang hrang a tithate hnen ah lawmman a sem bak ah chawhnu lam ah sawmbikte Circuit House ah Thingpui a inpui bawk. Nimin a Lawngtlai a Independence Day lawmna ah hian Pu J.Hmingthanmawia DC bak ah Pu C.Ngunlianchunga CEM, LADC leh Council Sorkar a mipawimawh te, State leh Council hnuai a thawk Officer leh Political Party hruaitute pawh an tel.


Current man vangin Michael Lalruatdika a boral

    Lawngtlai Electric veng ami Michael Lalruatdika Kum 13, David Darduna fapa chu nimin tlai dar 3:45 vel khan an In bul   lawk a District Information & Public Relation Officers, Office kawt a Hnam Puanzar zarna ngul a Power kalin a man hlum.Michael Lalruatdika te thian ho chu helai DIPRO Office tual ah hian an infiam a, hetia an infiamna lam ah hian India Hnam Puanzar zarna ngul a khawih na lam ah Current hian man in, District Hospital panpui ni mahse, a nunna hi chhantheih a ni ta lo a ni.     DIPRO Office tual a

CEM in MJA te fuih

Nimin chawhnu khan LADC a CEM, hunreitak MJA Lawngtlai District a Patron lo ni tawh chuan a chenna In       ah MJA Member          te thingpui inpuiin, Chanchinbumite       chu ram leh hnam           tana rawng an     bawlna ah tun             aia thahnemngai        leh    taima zawk a hma la deuh deuh   turin a     fuih a, Chanchinbumite hi an President Pu V.Lal Lianzuala’n a ho a, inpawhtlang takin Chanchinthar lakhawm leh pekchhuah na a hmalak dan turte an sawiho bawk.

NLUP Sem dawn

Vawiin hian Pu C.Ngunlianchunga CEM, Lai Autonomous District Council chuan Bungtlang South ah State Sorkar Flagship Programme NLUP a sem dawn a, vawiin    vek hian AH&Vety Department te chuan NLUP 2nd Phase, 2nd Instalment, Sihtlangpui ah leh Saikah ‘U’ ah te, heng khua leh a chhehvel a khua pariat te hnen ah an sem    bawk dawn.

Dawr theih hrih loh

 District Research Office  Lawngtlai Electric Veng Pu H.Chalhranga Building a hawn tak chu Registration of Birth & Death hi Document an la tih fel loh avangin September Ni 15 hma chu dawr theih an la ni lova. Saiha leh Lunglei DRO Office atangin Document hrang hrang te lakkhawm hna an thawk mek

Tuesday, August 13, 2013

Pu H.Zothangliana Parliamentary Secretary in Sum harsat chhan a sawifiah

.
Nimin chawhnu khan Lawngtlai a chammek Pu H.Zothangliana Parliamentary Secretary chuan Lawngtlai Press Club tlawh in, Lawngtlai a Thuthar thehdarhtute nen an inkawm a, Pu Zothangliana chuan tunlai a Mizoram a Pawisa harsatna chhan chu Central  lam in State sorkar leibat leh sum thawhchuah in buk tawk tur a ruahmanna a siam hnu ah State sorkar in sum enkawlna mumal zawka a kaltheih nan Central sorkar duhdan a zui vang a ni a ti a, Centrally Sponsored Scheme ah te State     in a tum ve tur chu    tun thlengin State sorkar chuan a la pe tla thei reng a ni a ti a, tuna sorkar sum enkawl dan anga a kal chuan rei vak lo ah hnianghnar zawkin Central lam chuan

Remna duh in khaw pahnih ah kawng zawh huaihawt

Nimin khan Kolasib District a Saiphai leh Saipum khua ah Political   Party zawng zawng inzawmkhawm huaihawtin Remna duh vangin mipui       ten kawng an zawh heng khaw pahnih a kawngzawhtu       mipui te chuan Mizoram Sorkar leh HPC(D) ten inbiakna an neih leh hun ah remna tluantling a awm theih na turin Sorkar leh HPC(D) aiawh ten hmala se an duh thu te, rambuai a awm herhawm an tih thu te an tarlang a, Autonomous District Council a awm an duh thu pawh an sawilang bawk.

Free Clinic

MJA Lawngtlai District chu August thla tawp lam hian Dr.PC Lalramenga ho in Lawngtlai ah Free Clinic neih tumin ruahmanna an siam.

CEM leh Parl. Secretary inkawm

Nimin khan Pu C. Ngunlianchunga CEM leh Pu H.Zothangliana Parl. Secretary te chu CEM Chamber inkawmin ram leh hnam tana hmachhawp leh hmalakna te an sawidun.

CEM Relief Fund pe

Tunhnai khan Pi Lalnawli Chawngte ‘P’ chuan CEM Relief Fund atan Rs.1000/- a pe a, CEM Relief ah hian Chawngte ‘P’ YLA ten Rs.4000/- an pe bawk.

PARDC THIL PHUT CHUNGCHANGA SORKAR THUCHHUAH

6th Central Pay Commission dungzuia Mizoram Sorkar hnathawk hlawh siam      ve turin sorkar chuan Fitment Committee 2008 a din a, a report uluk zawka ennawn a tul tak avangin Cabinet Sub-Committee 2010 din a ni leh a, he report hi pawm a niin, The Mizoram (Revision of Pay) Rules 2010 tih chhuah a ni ta a ni. Hemi ang hian sorkar hnathawkte            hlawh pawh tihsan a ni ta a. Amaherawh            chu hlawh la enzui ngai bik awm theite enzui (review) turin FMGE&W leh PARDC te     ngenna angin Pay Committee 2011 din a ni leh a. He Pay Committee Report hi Cabinet       Meeting-ah ni 30.1.2012-ah chhawpchhuah a ni a. Cabinet hian hun rei tak, vawikhat mai ni lo, ngaihtuahna uluk taka hmangin,

Monday, August 12, 2013

Vanlalmawia ruang Liapha chhuah ah hmuh a ni

Zirtawpni zinglam  Dar khat vel a District Conservator of Forest Office Chhimtuipui      Wildlife Division      Lawngtlai a thawk Tv.Vanlalmawia       Fanai , Forester chu Lawngtlai leh Kawlchaw in kar    Chhimtuipui lei atang a tla chu nimin chawhnu dar 4 pelh hret khan Liapha chhuah ah hmuh a ni. Tv.Vanlalmawia Fanai S/O F.Remkunga Farm Veng,Lunglei hi Chhimtuipui khuah     hna thawk tur NTPC hnathawk te nen Chhimtuipui khuah hun a achimtur Vartekkai khua ah kalin survey an nei a,

Bazar Veng in an veng chhunga Ruihhlo zuarte an Veng chhuahsan turin an hriattir

Kar kalta Inrinni August Ni 10 khan Lawngtlai Bazar Young Lai Association , Village Council te leh Bazar Veng chhung a  NGO hrang hrang leh Kohhran hrang hrang ten Joint Meeting         an   nei a, he Joint Meeting hi Pu C.Sangchhunga VCP in  kaihruaiin,Bazar Veng chhunga Zu leh Ruihtheihthil dang zuarte chungchang  relin, Bazar Vengchhunga Zuzuar te   chu tun thla August thla chhung a Vengchhung chhuahsan turin an hriattir a,hemi    

Lai DYCC leh Drivers Welfare ten Political Traning an nei

August Ni  8 Zirtawpni khan  Lai District Youth         Congress Committee leh Congress Drivers Welfare te chuan Political Training Chawntlangpui       a Forest    Picnic Spot ah an nei a, He hun hmanpuitu Pu C.Ngunlianchunga CEM.LADC chuan  Inthlanpui  hmachhawn turah inthlahdah lo a Thalaite tan marpat a pawimawh thu sawiin, Congress Sawrkar chuan nasa takin       kan District tan hna a thawk a, hmasawnna puanzar hna chu thalaite kutah a awm tih hrenawn turin a       chah a.Congress

Thisen pe

August Ni  10 khan TKP Bethani Unit.College Veng,Lawngtlai te chuan Association for Voluntary Blood Donation Calendar zul zuiin, a mamawh apiangte hman atan thisen Unit 22 an pe. thisenpetute hi Mipa 18 leh Hmeichhia 4 an vaiin 22 in an  ani.

Chhimbial Meet

Lunglei, Lawngtlai leh Saiha District MJA ten Chhimbial Journalist Meet an neih thin chu September Chawlhkar tir lam khian Hnahthial ah an nei dawn.Chhimbial Journalist Meet hi Lawngtlai leh Saiha ah te neih a lo ni tawh.

Press Club tlawh dawn

Pu H. Zothang-liana       Parliamentary Secretary chuan vawiin chawhnu dar 3 hian Lawngtlai Press Club a tlawh dawn a, Lawngtlai a Thuthar thehdarhtute thingpui a inpui ang.

Saturday, August 10, 2013

Kawlchaw Lei atanga tla Vanlalmawia ruang zawnmek a ni

                  Nimin zinglam Dar khat vel khan District Conservator of Forest Office Chhimtuipui Wildlife Division Lawngtlai a thawk Tv.Vanlalmawia Fanai  Kum 27, Forester chu Lawngtlai atanga KM 32 a hla,  Kawlchaw lei atangin a tla a, a ruang hi zawnmek a ni.Tv.Vanlalmawia Fanai S/O F.Remkunga Farm Veng,Lunglei hi Chhimtuipui khuah hna thawk tur NTPC hnathawk te nen Chhimtuipui khuah hun a achimtur Vartekkai khua ah kalin survey an nei a, heta tanga Lawngtlai lam pana  hawlam chu nimin zinglam dar 1 vel khan Kawlchaw Lei ah hian an ding zawk a, heta an chawlh lai hian Lei atang hian

a tla ta niin an sawi.
                    A tlakna lai hi Feet 102 a sang niin, a tlakna li hi Patling hlam nga vel a thuk niin an sawi. Ruang zawn hna hi , Kawlchaw West leh East bak ah Lawngtlai a a chenna Veng, Vengpui thalai ten an thawk nghal a, lui len lai (tui tam lai) a nih vang in tui a nu a, tuilut thiam te pawh in harsatna an tawh phah nasa a, vanduaina thlenna hmun hi Lawngtlai DC Pu J.Hmingthanmawia  bak ah, Pu H.Zothangliana Parliamentary Secretary bak ah Lai Autonomous District Council a Executive Member pathum bak ah Central YLA hruaitute pawh in helai hmun hi vawiin khan tlawhin ruang zawngtute mamawh a hmantur pawisa leh silpouline te an pe bawk. Ruang zawn hna hi hmuh a nih hma chuan Mizo Dan in chhun zan zawmin ni sarih chhung chhunzawmzel a ni dawn a, Lawngtlai District Adventure Club te pawhin ruang zawngtute hi an pui bawk. Chhiiatna thlenna hmun hi Lawngtlai Police te pawhin pan nghalin thil thlen dan an enfiah nghal.

Thursday, August 8, 2013

NLUP 2nd Phase ah nimin khan chhungkua 433 hnen ah Rs.99,48,742 sem a ni.



Nimin khan  Lawngtlai ah chhungkua 433 hnen ah NLUP 2nd Phase tanpuina Rs.99,487,42 sem a ni Hemi puala inkhawm, Central     YLA Hall a    neih       chu         DC, Pu J.Hmingthanmawia'n     a kaihruai a, khuallian Pu H.Zothangliana  Parliamentary Secretary chuan NLUP chu a dawngtu an tam vang mai a ngaihnep chi a ni lo a ni a tia, NLUP atanga kuthnathawktute thawhchhuah chu a thlawn mai dawn lo va, sorkar chuan an tharchhuahte hlawk zawka an hralh theih nan ruahmanna a siam fel tawh a ni a ti a, NLUP chu Pathian hrereng chung a a dawngtu ten an dawn a,

Kawngpui siamtha turin hna thawh chhoh mek a ni.

    Lawngtlai tana Kawngpui pawimawh ber Hrangchalkawn atanga Saiha kawng Zero inkar National Highway siamthat hna chu thawh chhoh mek a nih thu Pu H. Zothangliana Parliamentary Secretary chuan nimin a Central YLA Hall a NLUP sem runpui neih a hmanpuina ah a sawi a, Pu Zothangliana chuan helai kawngpui siamtur hian Bengal Prakalpa Nirmal Pvt.Ltd. chu thlan a ni a, hna an thawh that theih loh vangin an hnathawh hunchhung tur a ruat pawh pawhsei a ni a, pawhsei hnuhnungber pawh

CEM in District Research Officer’s Office a hawng


Nimin August.7 chawhnu khan Lawngtlai ah District Research Officer's Office, Pu C.Ngunlianchunga LADC a Chief Executive Member in a hawng.Hawnna inkhawm Pu Saihlira,Director Economics & Statistic Department kaihhruai ah DRO District Office thar hawngtu Pu C.Ngunlianchunga chuan State sorkar duhsakna Lawngtlai District in a dawng nasa tih sawiin lawmthu a sawi a, Lawngtlai District chu District hnufual a nih vangin Birth Certificate lak ringawt pawh a bikin District khawthlang lam a

Politics vanga induhsakna a awmlo

LADC a CEM      Pu C.Ngunlianchunga chuan Lai Tawng Zirtirtu lak tur ah Lai Tawng thiam ngei lak a ni dawn tih nimin      khan DRO Office a hawna ah a sawi a,   Congress Sorkar ah a tling leh tha te chauh    lak a ni a, Politics vanga induhsakna a awmlo      a ni a ti a, Officers lak     tur ah pawh a tling       leh tha chauh lak a ni dawn a ni CEM chuan a ti.

Khawchhung endik

Nimin zing khan Geology & Mining lam a mithiam te hruaiin Pu J.Hmingthan- mawia DC, Pu C.Ngunlianch-        unga CEM, Pu H.Zothangliana Parliamentary Secretary ten Lawngtlai khawpui chhung fangin chhiatna thleng thei laka inven tulna lai te mithiam te hi an enpui.

Auto Rickshaw Tuichhak tan

Sangau leh Bualpui ‘NG’ tan NLUP ah Auto Rickshaw thlan theih turin ruahmanna peihfel ni tawhin NLUP Third Phase ah hian Auto Rickshaw thlangtu hnen ah pekchhuah hman tum a ni.

Wednesday, August 7, 2013

Thingzailui ah Pu S.Zachunga, Thingkah khaw mi ruang hmuh a ni

August 5 khan Thingzai lui leh Mauhak lui in rina liah Pu S.Zachunga kum 33 Thingkah khua ami ruang hmuh ani.    Thudawn dan in Pathianni August 4 khan Pu S.Zachunga leh a thiante pahnih Lawngtlai Bazar ami te chu Thingzailui ah hian an kal a,Pathianni   zan ah a thian pakhat     zawk hi a haw a,an thiandang pakhat chu Thawhtanni August 5 chhun dar 11 velah a haw ve thung a,S.Zachunga hi ala haw ve loh avang hian a nupui Lalsiamthari ngaih thalo chuan an naute mipa tleirawl pathum chu enfiah     turin Lui ah chuan a tir a,niminpiah  Tlai dar thum velah chung      mite chuan Pu S.Zachunga chu

Thla 3 chhungin Lawngtlai District ah Malaria vanga thi an awmlo

Nimin khan Lawngtlai DC Conference Hall ah District Health Society chu an Chairman Pu J.Hmingthanmawia DC ho in an thukhawm a, kumin 2013, April atanga June thla thleng a National Rural Health Mission hnuaia hmalakna hrang hrang te an thlir ho. Thlathum chhung report a       tarlan a nih dan in Malaria vanga thi Lawngtlai District ah an awm lova, Malaria PF vei 369 leh PV vei 17 hmuhchhuah a ni. TB vei mi 25 hmuhchhuah thar niin, he natna vanga thi April 2013 atanga

D.C in Hnam Chhantu Pawl Exhibition a hawng

Hnam Chhantu tu pawl ten an buatsaih tunkar zirtawpni thleng awh tur kutthemthil phochhuah leh zawrhna hun chu nimin chawhma dar 10:45 khan Lawngtlai Bazar ah Pu J.Hmingthanmawia DC in a hawng, Pu J.Hmingthanmawia chuan Hnamchhantu te hmalakna chu chhuanawm a tih thu leh an thil siamchhuahte chu thingtlang zawk a chengte tan pawh tih ve harsa lo,

Bharat Nirman Campaign Lawngtlai Dist. ah nei leh dawn.

Sorkar laipui hmalakna hrang hrang inhrilhhriatna leh a hmangtu mipui ten sawiduh an neih te sawilanna hun Bharat Nirman Public Information Campaign chu September 25,26&27 chhung khian Lawngtlai District ah a tum thum nan Bungtlang South ah neih a ni leh dawn. Hemirual hian Campaign in a kentel Free Health Camp leh Photo Exhibition chu Diltlang leh Hmunnuam ah Sept. 26 leh 27 ah te neih a ni nghal bawk ang.

Flagship Programme DDKah

Regional News Unit, Doodarshan Kendra, Aizawl chuan Sorkar laipui hmalakna hrang hrang Bharat Nirman Flagship Programme leh a kaihhnawih te August ni 8 atanga September ni 11 thleng Doordarshan Aizawl-ah nitin tlai dar 5:15 PM – 5:30 PM –ah a tichhuak thin dawn.

I-Day Khuallian thlak

 Kumin a Lawngtlai a Independence Day lawmna a Khuallian tur a ruat Health Minister Pu Lalrinliana Sailo chu a hriselna a that loh deuh vangin, LAD Minister Pu PC Lalthanliana ‘n Lawngtlai a Independence Day lawmna chu a hmanpui ang.

Kawng danpin tum

Ngengpuikai khawtlang hruaitute chu nimin chawhnu khan Press Club ah lengin, an khua a  RMSA High School chu Chawnhu a Sawrkarin a sawnsak ni a sawiin hemi vanga lungawi lohna chu Thawhtan ni  August Ni 12 atangin Road Block neiin lantir an tum tih an sawi a,an hmalakna a hlawhtlin loh chuan Kumin MLA election pawh boycot an tum thu an sawi.

Tuesday, August 6, 2013

Consultation Meeting On Improvement Of Literacy and Implementation of Mid-Day Meal Scheme neih a ni.

Nimin khan SSA, Lawngtlai Dist. huaihawt in Consultation Meeting On Improvement Of Literacy and Implementation of Mid-Day Meal Scheme within Lawngtlai District DC Conference Hall ah neih ani.He Meeting hi Lawngtlai DC Pu J.Hmingthanmawia, Chairman, District Education Committee ni bawk chuan a kaihruai a,  DC chuan Mizoram District 8 zinga Literacy Percentage hniam ber a Lawngtlai District a la awm reng chu theih ang anga hmathar lak a tul thu a sawi a,Literacy Rate Census 2011 in a tarlan ah thil fuh tawklo awma a lan avangin,Lawngtlai District dinhmun diktak hriat nan Sample Survey neih that leh phawt nise,Survey hna hi SSA Lawngtlai in lo bawhzui phawt se Meeting chuan a ti a.Tun dinhmunah

NLUP Sem runpui Mizoram hmun hrang hrang ah neih a ni dawn

Mizoram khawpui leh khaw hrang hrang 25-ah te naktuk August ni 7 hian NLUP thawh hnihna 2nd Phase tanpuina chu sem a ni dawn. NLUP tanpuina sem inkhawm hi Mizoram hmun hrang hranga Minister leh MLA te’n an hmanpui dawn a ni.Chief Minister Pu Lal Thanhawla leh NLUP Nodal Minister Pu H. Liansailova te chuan NLUP tanpuina sem inkhawm hi August ni 7 khian Vanapa Hall-ah, chawhma dar 11:00-a an hmanpui ang. He programme-ah hian Aizawl khawpui chhunga Cluster hrang hranga beneficiaries (Aizawl III Cluster tih loh) te hnenah tanpuina hi sem a ni dawn. Mizoram hmun danga NLUP semna inkhawm he ni vekah neih tura ruahman a ani a, Lawngtlai ah chuan Lawngtlai East leh West pual a semna ah Pu H.Zothangliana Parliamentary Secretary chu khuallian a ni anga, Pu C.Ngunlianchunga CEM, LADC chu khualzahawm a ni ang.Tuichawng bial tan Chawngte ah Pu Nirupam Chakma MLA ho in sem a ni ang.

DRO Office hawng dawn

Naktuk chawhnu Dar 2 hian Lawngtlai ah District Research Officer’s Office chu LADC a CEM Pu C.Ngunlianchunga’n a hawng dawn. DRO Office atan hian Electric veng a Pu H. Chalhranga Building hman a ni phawt dawn.

Monday, August 5, 2013

Doctor sawnna ORDER sut turin Central YLA in Sorkar a ngen

August 2 khan Central YLA hruaitute chuan District Hospital Lawngtlai a thawk Dr.Lalrinfela Lungleia Sawn chhuah chungchangah Chief Medical Officer an hmu.Central Young Lai Association hruaitute chuan Lawngtlai District Hospitala Doctor dinhmun zawt fiahin, tun dinhminah Lawngtlai District Hospital ah hian Damlo enkawltu bik Doctor pahnih chauh awmin,a bak chu Administrative Staff leh Ayush    Doctor te an nih thu Dr.HC.Thangkima, Chief Medical Officer chuan alo hrilh a,Medical Superintendent

Kum chanve chhung a Voluntary a Thisen pek Unit 382 tling tawh

August 2 khan Association For Voluntary Blood Donation.Lawngtlai District chuan         Executive Committee neiin,kum chanve report an tar chhuak.Meeting hi an  President Pu Elvis Lalthangzualan a kaihruai a,hmalak zel dan tur te an   ngaihtuah a,Kum chanve report te tarlan niin,an hmalak tawhna ah lawmawm an tih thu an sawilang.Hmalak na tur an rel zingah    

Thisen pe

Zirtawpni khan TKP,Lawngtlai Bazar Unit chuan an din cham vawi 49-na lawm nan a mamawh apiangte hman atan thisen Unit 13 an pe a,Thisen petute hi Mipa 10 leh Hmeichhia 3. an vaiin 13 in an pe ani.Thisen pek hi AVBD te Calendar siam zulzuia neih aniin, Blood Bank Officer Dr.Lalrinfela leh a thawhpui ten an Kohhran Hall ah kalchilh in thisen hi an laksak.

Exhibition

Naktuk Thawhlehini hian Hnam Chhantu buatsaihin Bazar veng a  Pu F.Lalkaisanga Building ah Exhibi-  tion neih a ni           dawn a,       DC Pu J.Hmingthanmawian a hawng ang. Exhibition hi chawhma dar 10:30 ah tan a ni ang.

SDC Thi

Hun engemaw-chen Lawngtlai a Syb-Deputy Commissioner lo ni tawh Pu H.Lalrammuana SDC chu Zirtawpni zan khan Lawngtlai District Hospital ah a thi a, a ruang hi an khua Kolasib ah lak nghal niin, nimin Pathianni khan vuiliam a ni.