Tuesday, August 27, 2013

CEM in hmalakpui a tiam vangin LSA ten Total Bandh an neih an titawp

Nimin a  GRHSS. Lawngtlaia Sociology leh Geography zirtirtu dah ngiat a LSA           ten Bandh an huaihawt chu zing dar 10         khan tihtawp ani.Lai Students Association   ten Lawngtlai a        nimin zing dar 6 atanga Total Bandh an neih chuan  thlawp a hlawh viau a, Sorkar Office leh Zirna In te, sumdawnna hmun te khar vek niin, khawlai ah veivak, Bandh in a huamloh te bak  hmuh tur an awm lo. LSA hruaitute hnen atanga thu kan dawn dan in, Pu C.Ngunlianchunga Chief Executive   Member Lai Autonomous District Council chuan  LSA te chu lehkha pe in, Gov't Region Higher Secondary School a Geography leh Sociology zirtirtu Post siamfel tawh ang a
LSA ten an sawi chu Post hi siam a la nih loh thu leh amah leh a thawhpui ten September 10, 2013 hma a heng zirtirtu Post te hi siam a nih theih nan hmalak a tiam thu LSA te chu ziakin a hriattir a, heihi LSA te chuan ngaihtuah nghal in, Total Bandh hi nimin chawhma dar 10 khan titawp  a nita a ni.Bandh neih chhungin thilduhawmlo thleng hriattur a awm lo.LSA ten Bandh an tihtawp chungchangah CEM Pu C.Ngunlianchunga chuan Sawrkar in a ngenna ngai pawimawha Bandh tihtawp anih chu LSA te chungah lawmthu a sawi. GRHSS  ah hian Geography leh Sociology zirtirtu hi State sorkar sum hmang lovin, SSA hnuai atangin dah a ni a, heihi LSA te chuan Zirtirtu hi Post pangngai an ngiat a ni.

No comments:

Post a Comment