Monday, August 19, 2013

HPC(D) Palai Insawifiah

HPC(D) leh Mizoram sorkar aiawhte inbiakna chungchangah, inbiaknaa tel zinga an thupuangtu, Lalmuanpuia Punte chuan thuchhuah siamin, HPC(D) ten inkahhai (Suspension of Operation - SoO) extend duhlo anga thu thang awm chu pawi an tih thu a sawi.
    August ni 14, 2013-a Tourist Lodge, Aizawl a HPC(D) leh Mizoram sorkar inbiaknaah khan, inremna awm thei loa an tindarh ta mai chu HPC(D) palaite chuan pawi an ti hle tih sawiin,
"Inbiaknaah khan inkahhai pawhsei (extension of SoO) chu a lehlam lehlamin kan duh tawn ve ve a, a pawhsei hun chhung rei zawng (duration of extension) chungchangah duhdan a inan loh vang mai maia pawtsei thei ta lo mai kan ni zawk tih hi mipuite hriatah kan sawi duh a, a pawi kan ti hle a ni," an ti.
    HPC(D) chuan remna leh muanna duh avanga a lal thutthleng hial pawh lo kiansan tawhtu, Lal Thanhawla kaihhruai Mizoram sorkar lakah beiseina sang tak an neih thu leh, Mizoram sorkar a la ngaihchan reng thu thuchhuah chuan a tarlang a. Remna leh muanna a awm theihna atana Mizoram state chhung leh pawna tawngtaisaktu zawng zawngte chung-ah lawmthu an sawi tih an thuchhuahah hian an tarlang bawk a ni.

No comments:

Post a Comment