Pu H.Zothangliana Parliamentary Secretary in Sum harsat chhan a sawifiah

.

Nimin chawhnu khan Lawngtlai a chammek Pu H.Zothangliana Parliamentary Secretary chuan Lawngtlai Press Club tlawh in, Lawngtlai a Thuthar thehdarhtute nen an inkawm a, Pu Zothangliana chuan tunlai a Mizoram a Pawisa harsatna chhan chu Central  lam in State sorkar leibat leh sum thawhchuah in buk tawk tur a ruahmanna a siam hnu ah State sorkar in sum enkawlna mumal zawka a kaltheih nan Central sorkar duhdan a zui vang a ni a ti a, Centrally Sponsored Scheme ah te State     in a tum ve tur chu    tun thlengin State sorkar chuan a la pe tla thei reng a ni a ti a, tuna sorkar sum enkawl dan anga a kal chuan rei vak lo ah hnianghnar zawkin Central lam chuan
Mizoram chu a rawn tuamhlawm thei dawn a ni a ti. Sorkar hmasa khan leiba cheng Vaibelchhia 3200 chuang tuna sorkar lai hi a hnutchhiah a, heibak ah hian hnathar tam tak siamin a lakbelh a, heng mite enkawlna tur hian state chuan sum tamtak a senzui a ngai bawk a ni a ti a, Mizoram sorkar hian duh sela chuan leiba hi a neih belh teuh thei a, mahse, Mizoram Sorkar sum enkawldan a mumal zawk theih nan hma a la ta zawk a ni Pu Zothangliana chuan a ti